Davao City – Gidagsa sa katawhan ang Saint Mary Parish Church sa Buhangin atol sa unang kadlawon sa simbang gabi.
Alas 3:00 pa lang kaganinang kadlawon walay puas ang pagbaha sa mga deboto sa simbahan aron tambungan ang unang Misa de Gallo sa unang adlaw sa simbang gabi.
Pag-abot sa alas 4:00 ganinang kadlawon padayon ang pag-abot-abot sa mga tawo hangtud ang uban nag-alirong na lamang sa gawas sa palibot sa Saint Mary tungod sa kapuno sa sulod mismo sa simbahan alang sa una nga Misa de Gallo.
Alang sa usa ka manimbahay nga ang simbang gabi kahigayonan nga makapangayo sa Ginoong Hesus og maayo nga panglawas alang sa iyang pamilya butang nga nahitabo pod kuno.
Nahimong malinawon ang unang salbo sa simbang gabi ug gani walay natala ang Buhangin PNP nga panghitabo sa nakalabay nga dose ka oras hangtud nagsugod ang simbang gabi nga maglungtad hangtud sa petsa bisperas sa Pasko.
RadyoMaN Joel Viray
