Misa de Gallo gisugdan na

Pagadian City – Gidagsa sa katawhan ang mga dagkong simbahan sa syudad sa Pagadian atol sa unang kadlawon sa simbang gabi.
Alas 3:00 pa lang kaganinang kadlawon walay puas ang pagbaha sa mga deboto sa simbahan aron tambungan ang unang Misa de Gallo sa unang adlaw sa simbang gabi.
Pag-abot sa alas 4:30 ganinang kadlawon padayon ang pag-abot-abot sa mga tawo hangtud ang uban nag-alirong na lamang sa gawas sa palibot sa simbahan tungod sa kapuno sa sulod mismo sa simbahan alang sa una nga Misa de Gallo.
Nahimong malinawon ang unang salbo sa simbang gabi ug gani walay natala ang Pagadian PNP nga panghitabo sa nakalabay nga dose ka oras hangtud nagsugod ang simbang gabi nga maglungtad hangtud sa petsa bisperas sa Pasko.
Sa simbang gabi sugud kagabii Disyembre 15 ngadto sa petsa 23 may mga naka-takda na nga mga mesa matag-alas 5:15 ang takna matag hapon ug alas 6:30 kada-gabii.
Ang Aguinaldo Mass sugud kaganinang buntag Disyembre 16 ngadto sa Disyembre 24 may naka-takda na nga mga mesa sa mga oras nga alas 4:30 ug alas 6:00 sa matag buntag.

Facebook Comments