Tabina, Zamboanga del Sur – Patay ang usa ka misis nga bag-o lang naka-uli gikan sa abroad human giluba sa iyang mister didto sa Barangay Baya-Baya, Tabina, Zamboanga del Sur.
Base sa imbestigasyon sa kapulisan, nag-away ang magti-ayon gumikan sa problema sa utang.
Sumala ni Police Captain Roel Japay, hepe sa Tabina Municipal Police Station, samtang kamulo sa pagpanguso sa nilabhan ang biktima nga si Emilyn Lariosa, 34-anyos nagkalalis sila sa iyang bana hangtod nga naputong ang mister og nisangpot sa pagpangluba.
Nakabaton og daghanang samad nilubaan ang biktima nga walo kahigayong gidungab sa suspek nga si Erwin Lariosa
Nisulay pag-ikyas ang suspek bitbit ang kutsilyo nga iyang gigamit sa pagpangluba apan dali ra kining nadakpan sa niresponde nga pulis.
Dako ang pagmahay sa suspek nga naa-atubang sa kasong parricide.
