Ibajay, Aklan – Daywa ka mga tama it pagbaril rong naangkon it sangka misis matapos nga mabarilan kabii sa Brgy. Laguinbanwa, Ibajay, Aklan.
Ro biktima nakilaea kay Evelinda Tayco, 49-anyos nga nakaangkon it tama sa waeang parte it eawas ag waeang hita, samtang rong suspek nakilaea kay Cris Mangilaya alyas “Hagmang”, 36-anyos parehong residente it nasambit nga lugar.
Sa report it Ibajay PNP nga kabii rayang biktima hay naga eaba kaibahan ro anang asawa sa guwa it andang baeay hay gulpi ra sanda pinaeokpan ko suspek.
Samtang, suno mat-a sa asawa it biktima nga samtang sanda naga eaba hay umagi ro suspek ginsinggitan imaw nga ginapaguwa ag samtang nagapaguwa eon imaw hay pinaeokpan imaw it suspek pero nakalikaw raya ag ro anang misis ha igo.
Matapos rong insidente hay madasig nga pumaeagyo rong suspek ag nagapabilin nga at-large sa makaron.
Samtang padayon man ro imbestigasyon it Ibajay PNP sa nasambit nga insidente para masayuran kung ano rong motibo kara.
