*Kalibo, Aklan — Kapin sa P30,000 pesos rong nahabuoe sa sangka misis samtang nagapamaeak-eon sa Fus Merchandise kahapon.*
*Suno kay PO2 Eric John De Limos it Kalibo MPS nga ro biktima nakilaea kay Julie Igual Martinez, 58-anyos ag residente it Sta. Cruz, Lezo.*
*Napan-uhan raya it biktima tag magabayad eon kunta imaw sa counter it nasambit nga establisyemento hay uwa eot a ro anang pouch kon sa siin nakabutang ro anang kwarta.*
*Sa pag-usisa man it Kalibo PNP sa CCTV footage it nasambit nga establisyemento hay nakita nga sangka babaye nga medyo chubby rong nagbukas it anang shoulder bag ag binooe ro pouch ag dayon tinago sa sangka gift wrapper.*
*Padayon pa rong imbestigasyon it Kalibo PNP angot sa nasambit nga kaso.*
Facebook Comments
