Ginbuyagyag sang Bureau of Corrections (BuCor) nga ginpahug sang misis sang convict nga si Jaybee Sebastian ang mga bantay sang New Bilibid Prison (NBP).
Ginpahayag ni BuCor Spokesperson Gabriel Chaclag nga ginpaandaman sang misis ni Sebastian nga ipapatay sini ang mga tinawo sang NBP.
Dugang pa ni Chaclag nga nagakahangawa ang mga bantay bangud kahibalo ini nga may ikasarang ang mga persons deprived of libery sa NBP nga tumanon ang pagpamahug sini.
Ginpakita man sang BuCor ang isa ka footage kon sa diin makit-an nga ginakumpronta sang babaye ang tinawo sang NBP.
Bangud sini ginhugot sang BuCor ang seguridad sini sa sulod kag guwa sang pasilidad matapos mahibalu-an ang plano sang mga supporters ni Sebastian.
Nanindugan man ang ahensya nga ginpahibalo nila ang pamilya ni Sebastian nga napatay ini sa sakit tuga sang COVID-19.
<www.avg.com/email-signature?utm_medium=email&utm_source=link&utm_campaign=sig-email&utm_content=webmail>
