MisOr school board, migahin sa 9 milyones pesos aron mapalambo ang techvoc

Gigahinan sa provincial school board sa Misamis Oriental og 9 million pesos ang pagpalambo sa school facilities and equipment para sa technical, vocational, and livelihood education.

 

Gipasabot ni Dr. Randolph Tortola, ang head sa Department of Education’s Misamis Oriental Division nga ang TVL usa ka skills-based training para sa mga estudyante.

 

Gibutyag niini nga dili igo ang mga gamit alang sa gidaghanon sa mga estudyante maong taman ra sa pag discuss ang mga magtutudlo ug wala nay hands on.


 

Isip co-chairman sa provincial school board, gibutyag ni Tortola nga tumong sa budget nga mapalambo ang skills sa mga estudyante ilabina nga dili tanan gahuha sa TVL ang gradwado sa senior high school.

 

Samtang, Sa pahayag ni Mr. Jerome Mundo, ang secretary sa school board nga kasagaran request sa mga public school mao ang dugang classroom ug covered court.

 

Dugang pa ni Tortola nga giuna nila ang wala sa listahan sa DepEd. Ang pondo sa school board gikan sa Special Education Fund nga dunay kinatibuk ang kantidad nga mokabat sa kapin P161 million pesos.

Facebook Comments