Ginkoronahan bilang Miss Iloilo Dinagyang 2018 kag Golden Girl ang candidate number 4 nga si Demi Patria Jainga.
Si Jainga ang nagpangibabaw sa 13 tanan ka mga kandidata sa ginhiwat nga coronation night sang Miss Iloilo Dinagyang 2018 sa University of San Agustin Gym.
Samtang si candidate number 13 Maria Liza Lizada naman ang ginkilala bilang Miss Iloilo Dinagyang Iloilo City kag si Candidate number 7 nga si Ruffa Nava ang nakakuha sang korona bilang Miss Iloilo Dinagyang Foundation Incorporated.
Second runner –up sa competition si candidate number 11 Patrticia Mae Delos Reyes kag first runner –up si candidate number 5 Kristine Cassandra Cambronero.
Sa pihak nga bahin ang nakakuha sang korona sa Department of Tourism awards amo ang mga masunod, Miss Eco-tourism si candidate number 1 Jessamyne Javier; Miss Farm tourism si candidate number 9 Cherry Joy Sulit kag ang Miss Faith tourism amo si candidate number 12 Ma. Yvonne Galo.
Ini sila ang magabaton sang tag-10 mil pesos nga monthly honorarium sa sulod sang isa ka tuig.
Samtang, naangkon sang masunod nga mga kandidata sa miss dinagyang 2018 ang minor awards.
Ginkilala bilang miss congeniality si candidate number 7 nga si Ruffa Nava kag Miss Photogenic naman si candidate number 2 Reian Miranda,
Nakuha naman ni candidate number 5 ang fantasy make-up kag make-up artist award.
Best in throne award nakuha ni candidate number 11 Patricia Mae Delos Reyes , samtang best in casual wear si candidate number 13 Ma. Liza Lizada kag ang best in festival costume award nakuha ni candidate number 4 Demi Patria Jainga.
