Naangkon sang pambato sang Miag-ao ang korona sa ginhiwat nga coronation night sang Miss Iloilo Dinagyang Carnival Queen 2019 nga ginpatigayon sa Casa De Emperador sa Megaworld Iloilo.
Nagpangibabaw ang Princess of Miag-ao nga si Maria Mikhaella Incensario, candidate number 8 sa 14 ka mga lin-ay nga nagpaindis-indis sa nasambit nga kompetisyon.
Gindeklarar naman nga 2nd runner up si candidate number 10 nga si Ma. Cielito Corazon Abendon sang Lapaz Central; 1st runner up si candidate number 11 nga si Janeen Dale Geroso sang Jaro North.
Samtang, ginkilala naman bilang MID Industries si candidate number 6 nga si Beatrice Nicole Arabia; MID Environment si candidate number 9 nga si Berylane Joy Barredo sang Molo; MID Tourism si candidate number 7 nga si Sharon Idone sang Arevalo;kag MID Heritage Queen si candidate number 2 nga si Elaine Segura sang Guimbal.
