Ginkoronahan bilang Miss World 2017 ang kandidata sang India nga si Manushi Chhillar.
Nagpangibabaw si Chhillar sa 118 ka mga matahum nga kababainhan nagikan sa nagkalain-lain nga pungsod nga nagahandum nga makuha ang korona sa nasambit nga beauty pageant.
Ginbuslan sini si Miss World 2016 nga si Stephanie del valle sang Puerto Rico.
Ginhiwat ang Coronation night sa Sanya, China sini lamang nga gab-i.
Nahibaluan nga ini na ang ikaanum nga Miss World title sang India kon sa diin ang pinakaulihi sadto pang tuig 2000.
Samtang nakuha naman ni Andrea Meza sang Mexico ang first runner-up, samtang si Stephanie Hill sang England naman ang second runner-up.
Napaslawan naman nga makasulod sa Top 15 ang pambato sang Pilipinas nga si Laura Lehmann.
Subongman, isa si Lehmann sa mga nagdaug sa Beauty with a purpose project kon sa diin pila man sa mga nagdaug sa nasambit nga programa ang mga kandidata gikan sa South Africa, Indonesia, India kag Vietnam.
