RMN Laoag – .Narambak iti selebrasyun ti Pamulinawen Festival 2019 nangnangruna iti Miss Laoag 2019 a naaramid idi rabii iti City Auditorium kadwa dagiti nabara nga suporta dagiti LaoageƱo.
Inyalat ni Keisha Baldonado ti kampeonato kas Miss Laoag 2019. Imbagianna ti gunglo ti Association of Barangay Captains, nu sadino nangabak pay daytoy iti naglabas a tawen kas 2ndRunner-up iti ABC Pageant 2018.
1st Runner-up met ni Justine Paula Agustine a nagibagi ti Autobee, 2ndRunner-up Moirah ni Shaina Colobong manipud iti Ilocos Norte National High School (INNHS), 3rd Runner-up ni Lucky Charm Arce iti Ilocos Norte College of Arts and Trades (INCAT), ken 4th Runner-up ni Wincy Lordmie Taguinod manipud met iti Northwestern University (NWU).
Nangabak met kas Best Designer ni Jaynny Lao, fashion designer a taga syudad ti Laoag. Ni Lao ti nangaramid ti arawat nangnanruna ti gown ni Keisha nga naddaan iti nagduduma a sequence ken sabsabali a desinyuna.
Inatendaran daytoy dagiti opisyales ti syudad iti panangidadaulo ni Mayor Chevylle FariƱas ken dagiti babaenna. Adda pay dagiti nagduduma a personalidad a nagbalin a huwes iti kompetisyun manipud iti nagduduma nga industriya.
Daytoy iti maika-23 a selebrasyun ti Pamulinawen Festival iti syudad ti Laoag ken iti daytoy a tawen naaddaan iti tema a āThriveā wenu panagmukas, nga inyarig ti Mayor iti naruay nga aktibidad ken proyekto iti adu a tawen para iti syudad ti Laoag.
Bernard Ver, RMN News
