Miss World Philippines candidates magabisita sa isla it Boracay hin-aga

145

Mga gwapahon nga kandidata it Miss World Philippines 2017 ro maga bisita sa isla it Boracay hin-aga nga adlaw it Martes.

Sambilog sa mga gina eaoman nga andang paga-ubrahon nga aktibidad sa isla hay ro Beach Beauty Challenge nga himuon sa Savoy Hotel nga sangka bag-ong hotel sa isla nga makita sa New Coast.


Do pagbisita ko mga kandidata hay sa bulig ko SB member it Kalibo nga si Juris Bautista Sucro kung siin gusto pagid nana kara nga ma-promote do Boracay pamaagi sa pagbisita it mga kandidata.

Kaangot kara sangka Aklanon nga si Jona Sweett nga taga banwa it Numancia ro sambilog sa masuwerte nga naka-intra sa sikat nga kumpetisyon it pa-gwapahan sa nasyon.

Ro Miss World Philippines 2017 hay pagahiwaton sa September 3, 2017 sa MOA Arena kung siin 35 ka mga kandidata ro maga agawan sa titulo nga Miss Eco Philippines ag igasukoe sa Miss Eco International nga pahahiwaton sa Egypt.

Facebook Comments

From Advertisers