Davao City – Nagpahimangno karon ang kapolisan ngadto sa mga residente sa sentro nga bahin ning syudad nga ireport dayon sa kapolisan kun dunay mga nawala nga miembro sa pamilya.
Si Police Inspector Francisco Caslib ang Chief Operation sa Police Community Relation sa San Pedro PNP subling nag-awhag ngadto sa mga nawalaan ug miembro sa pamilya nga mamahimong i-report gilayon sa presinto sa kapolisan aron mahatagan ug aksiyon sa otoridad.
Gidugang ni Caslib nga magdala og picture ang nawalaan og miembro sa pamilya aron dali maidentipika sa mga pulis ang mga hulagway sa mga na-missing.
Gikanayon ni Caslib nga mamahimo usab magpatabang ug ipablotter sa barangay aron matagaan ug hinanaling aksiyon sa mga opisyal sa barangay opisyal sa ilang lugar.
Base sa datus sa San Pedro PNP, dose ka mga lalaki ug onse ka mga babae ang namissing sa ilang area of responsibility human nagpatabang sa kapolisan ug nakigkoordinar na ang pamilya ngadto otoridad.
Kahinumdoman nga usa ka 6 anyos nga bata ang nawala didto sa Matina Pangi ning dakbayan apan human sa pila ka adlaw nakaplagan na kini nga wa nay kinabuhi.
RadyoMaN Don Pulayao
