Report ni: Jennifer Palomo Debaja
Tatlo ka adlaw matapos ginreport nga missing sa HK si Jelyn Olivar, 32 anyos kg may 3 ka kabataan, nakabatun kahapon Oct.18 sang online message ang iya abyan kg gin pahayag sini nga indi lang magkabalaka kg maayu ang iya sitwasyon.Wala siya nagsugid sang iya nahamtangan apang nagsiling ini nga ara sya sa some “Big Place” . Gin pangabay sini nga untatan na ang pagpangita sa iya kg indi na maghimu sang aksyon agud indi madugangan ang kagamu sa iya sitwasyon. Ang importante buhi ini.
” I’m fine don’t worry wag kaung gumawa ng anong hakbang na lalong magpagulo sa aking sitwasyon..ang mahalaga buhay ako.”
Ang disappearance ni Olivar sang Oct.15 nagdulot sang pagkabalaka sa iya mga kaabyanan pati na sang iya bana nga wala gd sang ideya sa plano sini.
Nahibaluan nga ginbilin ni Olivar ang Iya mga employers sa Marina Cove ,Saikung agud makigkita sa abyan sini para magsimba bisan nagalaslas ang signal no.8 nga bagyo sang Oct 15.
Asta subong wala pa mahibaluan ang rason sang iya pagpalayu sa 5 palang ka bulan nga mga amo.
Sa ginhimu ni Olivar, nagpa gwa sang warning si Labor Attache Jalilo Dela Torre nga indi dapat e abandon sang isa ka OFW ang ila ward ilabi na kon senior ini o bata nga naga kinahanglan gd sang atensiyon . Pwede gd ini makasuhan sang negligence kg mangin ang pag pa blacklist sa iya sa Hong Kong.
“If they have plans going to other countries for employment purposes, they should be honest with their employers and also consult with the Consulate.”
Sa dugang nga pahayag ni Labatt dela Torre, nakabatun ini sang impormasyon sang Oct.17 nga nag runway si Olivar sa China.
