Ginapangita sa karon ang anay Hasht5 member nga si Xander Ford sang iya mismo nga talent agency.
Suno sa Facebook post sang Star Image, ginkanselar sini ang mga shows ni Xander sa Higantes Festival sa Angono Rizal, kag ang opening sang isa ka department store sa Sta. Cruz, Laguna bangud wala ini kapakita.
Ulihi nga nakit-an si Ford sa Sunny Brook 2 Subdivision, General Trias, Cavite, Huwebes sang gab-i.
Sa post naman sang Star Image subong nga Biyernes sang gab-i, isa ka certain ‘Emz’ ang ginapatihan nagtago kay Ford sa iya ‘private place’ sa Paliparan, Cavite.
Suno pa sa talent agency, ginahimo na nila ang tanan nga mga legal actions para mapangita siya kag ginpasigurado nga manabat ang mga tawo nga yara sa likod sang iya pagkadula.
“The management also ensures that the persons responsible for his sudden disappearance will be apprehended. The family of Xander is also serious to file a case against the people behind this conspiracy,” suno sa Star Image.
Dugang pa sang nasambit nga ahensya, posible nga mapasakaan sang kaso nga serious illegal detention kag pagbayolar sang Republic Act 9208 bangud sa paggamit kay Xander Ford para makakuha sang kwarta pinaagi sa iya Bigo Live account.
“May this serve as a FINAL WARNING to the people who want to hide Xander from his Family and his management, you will surely face LEGAL implications,” suno pa sa Star Image. *rcsg*
——————
Like our official Facebook page: www.facebook.com/ifmbacolod943
