Davao City – Agig tubag sa imbitasyon sa DXDC 621 RMN Davao sa kahanginan aron mosalmot sa pinasahi nga aktibidad atol sa 65th Founding Anniversary sa RMN Networks, nihugop ang mga residenteng nitambong sa entero adlaw nga medical mission gititulohan nga ‘MISSION 2017: HANDANG TUMULONG SA ‘YO’ MEDICAL MISSION gipahigayon sa Erico Nograles National High School sa Barangay 37-D, Trading Boulevard ning dakbayan.
Ning higayona, nidagsa ang buot mo-ambit sa nagkadaiyang mga serbisyo publiko sarang gitagana sa sibyahanan aron ipaabot ang kinasingkasing pagpasalamat niini gumikan sa pagpaminaw nila sa RMN stations ilabi na ang RMN DXDC Davao dinhi sa habagatan.
Base sa talaan sa registration kaganina, mototal sa 755 ang nipatim-aw diin sa maong gidaghanon, 253 kanila ni-avail sa free medical checkup, 314 sa free eye checkup, 24 sa minor surgeries, 4 sa pre-natal services, 60 sa free massage, 100 sa bunot sa ngipon (tooth extraction) ug uban pang panabang sama sa libreng tambal alang sa mga nagpatala.
Mapasalamaton ang RMN DXDC Davao ngadto sa tanang aktibong ni-partisipar ug nipaambit sa ilang available time, sa ilang expertise ug kontribusyon haron mamahimong malampuson ang nasangpit nga major anniversary event sa entero RMN networks.
Kasamang June Duterte
