Mission 2017: Handang Tumulong Sa ‘Yo’ Medical Mission sa RMN Davao pasalamat sa katawhan

Davao City – “Salamat kay kami ang gipili ninyo.” Kini ang malipayong gipaabot nga mensahe sa RMN ni Barangay Captain Rebecca Diong sa Barangay 37-D Trading Boulevard ning syudad human napili ang Erico Nograles National High School sa nahisgutang barangay nga venue para sa ipahigayon nga Mission 2017: Handang Tumulong Sa ‘Yo’ Medical Mission sa Lunes(ugma) August 28, 2017.

Ang lebring serbisyo sa katawhan langkuban sa ibot sa ngipon, check up sa mata, medical check up, Pre-Natal, Minor Surgeries, Lebring medisina ug Massage (masahe) diin nagtumong nga pasalamatan ang katawhan nga padayong naminaw ug misuporta sa DXDC RMN Davao ug Ifm Davao sa ika-65 anibersaryo sa Radio Mindanao Network (RMN) sa mao nga adlaw.

Gipasalig sa pamunuan sa RMN nga padayon kining magserbisyo isip bugti sa pagsalig sa katawhan pruweba niini ang paghimong number one sa daghang mga estasyon niini sa tibuok Pilipinas partikularmente dinhi sa Dabaw.


Facebook Comments