Posible nga nasal-an lang ukon biktima sang mistaken identity si Jethro Ferrer matapos ginluthang-patay kahapon sang kasisidmon sa Ungka 2, Pavia.
Ini ang isa sa anggulo nga ginasundan sang Pavia PNP.
Ginpahayag ni Police Chief Inspector Fernand Limbungan, hepe sang Pavia PNP nga magkahawig sang itsura si Jethro kag utod sini nga si Junel Ferrer.
Suno kay Limbungan nga posible ang magulang nga si Junel ang target sang suspek apang ang manghod nga si Jethro ang natiro sini bangud magkahawig ang ila itsura.
Madumduman nga sang nakaligad nga bulan sang Disyembre, ginluthang man sang isahanon nga suspek si Junel apang masuwerte nga sa kamot lang ini naigo.
Facebook Comments
