TACLOBAN CITY – Patay an mister han usa nga magturutdo matapos pagpamumusilon samtang aadto ha sulod han eskwelahan ha Ormoc City.
Natabo an shooting incident ha Mabini Elementary School ha Barangay Mabini han syudad dida han dominggo, June 2.
Sumala kan Police Major Joel Talagon, ginkilala an biktima nga hi Bienvenido Casimero Jr., 42 anyos, miyembro han Civil Security Unit han syudad.
Ginkilala naman an suspek nga hi Ronnie Pocson nga kumalagiw matapos an insidente.
Nagawas ha inisyal nga imbistigasyon nga nabulig hi Casimero ha misis niya nga magturutdo ha paglimpyo han classroom han ginpusil ini han suspek.
Gintutuuhan nga mayada personal nga away an suspek ngan an biktima rason han krimen.
Nasabtan pa nga an biktima in usa nga asset han anti-drug agency han syudad samtang an suspek in gin-aaligar usa nga security aide ni self-confessed drug lord Kerwin Espinosa.
