MISUWAY UG HIKOG|Ginang miinum ug Pesticide-ospital

21

General Santos City—padayon pang gipailawom sa obserbasyon ang usa ka ginang nga itago lang ug alias Lita, 57 anyos nga taga Luwalhati Vill., Barangay Mabuhay, Gensan kansa una nang misuway ug hikog pinaagi sa pagyarok ug pesticide ala 1:00 ang takna sa hapon, kagahapong adlawa. Subay sa tala sa Mindanao Medical Center kansa gidad-an sa biktima nasuta nga nakamata nalang ang bana sa biktima nga si Melchor human sa hilabihan ka baho nga pestisidyo. Tungod niini iyang gisuta ug paghidangat niini sa ilang kusina, iyang nakit-an ang iyang misis nga nagbula na ang baba samtang naghigsa sa salog. Gilayon kining nangayog tabang sa ilang mga kaubanan sa balay aron madala sa ospital ang ginang. Sumala sa bana nga wala sila masayod sa hinungdan sa pagsuway sa pagpakamatay sa iyang asawa sanglit dili kini moestorya kaniya. Wala usab silay nasayran nga dunay gihambin nga problema o balatian ang nasangpit. Sa karon ang ginang nagpaalim nalang sa ospital. Read More:https://rmn.ph/dxmd927gensan/ rmn.ph/

Facebook Comments