Davao City- Gipangita na karon sa Talomo PNP ang suspek sa pagpamusil nga mao si Arman Casis, 30 anyos nagpuyo sa Aroma Beach Barangay 76-A Davao City.
Sa blotter sa Talomo PNP, ang suspek maoy gitudlo nga nagpusil sa biktima nga mao si Bernardo Ebreo, 29 anyos residente sa maong Barangay alas 11:45 sa kagabhion.
Ang biktima kauban ang iyang mga higala nag-inom sa usa ka tindahan apan kalit lamang nga nagwild ang grupo sa suspek hinungdan nga gitambagan sa biktima.
Kalit nga mipatim-aw ang suspek ug duna na kini bitbit nga .38 kalibre nga pistola ug dayong pusil sa biktima nga naigo sa iyang tiyan nga bahin.
Daling misibat ang suspitsado samtang ang biktima padayon pa karong giobserbahan sa Southern Philippines Medical Center.
Kasamang Erin Lumosbog
