Malipayon kag nagapasalamat ang Pamilya Demafelis sa balita nga nadakpan na sa Lebanon ang principal suspect sa pagpatay sa Ilongga OFW nga si Joanna Demafelis kag ginsulod pa sa freezer didto sa Kuwait.
Ini ang reaksyon ni Barangay Kagawad Pablo Demafelis sa interview sang RMN Iloilo kasunod sang pagka-aresto kay Nader Essam Assaf sa Lebanon.
Suno kay Kagawad Demafelis nga nagasamu ang ila nabatyagan nga kalipay nga nadakpan na ang suspek kag subong man ang ila kalangkag nga mahatagan sang hustisya ang natabu kay Joanna.
Una diri, ginkumpirmar ni DFA secretary Allan Peter Cayetano nga yara na sa kustodiya sang mga otoridad sang Lebanon si Assaf apang nagapabilin pa nga at large ang asawa sini nga si Mona nga isa ka Syrian national.
