Miyembro han LGBT nakit-an nga patay na ha sakob han iya panimalay

715

TACLOBAN CITY – Nakit-an an usa nga patay nga lawas ha sakob han usa nga panimalay ha Brgy. 97 Cabalawan, Tacloban City kasangkulop, September 18.

Ginkilala an biktima nga hi Juanito Delengon, 50 anyos, residente han nasabi nga lugar.


Nagawas ha imbistigasyon han mga otoridad, nakabaho an mga residente hin mapatay-patay nga baho ha gawas han panimalay ni Delengon.

Napausa gihapon an mga residente kun kayano diri na nira nakikit-an hi Delengon.

Ginpanginano han mga residente an panimalay ni Delengon ngan nakit-an nira an patay nga lawas hini.

Sumala kan P/Capt. Daniel Polo, Tacloban PNP station 2 commander, namatay hi Delengon tungod han gin-aabat hini nga sakit basi han eksaminasyon han SOCO.

Case-closed na ini tungod nga waray may nakit-an an mga otoridad nga ebidensya nga may foul play han panhitabo. (Reports from Rizza Calaay)

Facebook Comments

From Advertisers