TACLOBAN CITY – Nagka-engkwentro an militar ngan New People’s Army (NPA) ha Brgy. Tagan-Ayan, Las Navas, Northern Samar dida han dominggo, May 5, 2019.
Umabot ha 10-minutos an engkwentro kun diin nagresulta hin kamatay han usa nga myembro han NPA.
Narekober an patay nga lawas han nasabi nga rebelde, usa (1) ingram M10A1 automatic machine pistol ngan usa (1) magazine ngan nine (9) rounds 9mm ammunition; ngan usa (1) homemade shotgun.
Antis an insidente, nagdumara hin combat patrol an tropa han 803rd Infantry (Peacemaker) Brigade ha nasabi nga barangay tungod han mga reports nga mayada presensya han NPA.
“The operations has been successful and we believe that we have degraded their capabilities,” Brig. Gen. Ramil M. Bitong, Commander of 803rd Infantry Brigade said.
“Your army will continue to conduct deliberate and legitimate military operations against these terror groups and ensure that they won’t be able to inflict more harm to the civilians in the area, particularly now that the election day is drawing near,” he added.
Samtang, sumala han Philippine Army, mayada mga reports nga nakit-an an iba nga NPAs nga nagpapatambal ha Las Navas Rural Health Unit ngan Catubig Hospital.
