Patay ang isang miyembro ng Abu Sayyaf Group (ASG) kidnap for ransom group sa pakikipagsagupa sa mga pulis sa Payao, Zamboanga Sibugay.
Kinilala itong si Usman Hassan alyas Gang-Gang na may kasong kidnapping for ransom at serious illegal detention with homicide.
Batay sa ulat, maghahain lang ng warrant of arrest ang Intelligence Unit ng Philippine National Police (PNP) kasama ang Special Action Force (SAF) mag-a-alas-3:00 ng madaling araw kanina.
Pero nakatunog ang target ng operasyon, kaya ito nagpaputok ng baril dahilan para gumanti ng putok ang mga pulis na ikinasawi ng suspek.
Narekober sa suspek ang kalibre 45 na baril.
Facebook Comments
