Pagadian City – Gipaslak na sa Pagadian City Police Station Lock-up Cell ang usa ka 23-anyos nga lalaki human nasikop sa kapolisan nga nagdala-dala sa iyang arams alas 12: 00 kagahapon sa kadlawon didtong dapita sa Purok Riverside, Brgy. Sta. Lucia ning dakbayan sa Pagadian.
Naila ang dinakpan nga mao si Shelvert Onido miyembro sa CAFGU, nagpuyo sa Barangay Kalilangan, San Pablo,Zamboanga del Sur.
Sa inisyal nga report gikan sa buhatan sa kapulisan nasuta nga dunay kagubot sa nahisgutag lugar dihang gikulata ang igsuon sa suspek sa nagngalang Julius Bernante rason nga napungot ang suspek og gihulbot ang iyang dala nga armas dungan ang pag-liab sa usa ka menor de edad nga naa usab sa lugar.
Ang barangay tanod maoy nitaho sa kapulisan hinungdan sa pagresponde sa SWAT Team nga miresulta sa pagkasikop sa suspek nga sakop sa Cafgu.
Nakuha gikan sa posisyon sa dinakpan ang Calibre 45 nga pistol nga dunay duha ka buhing bala.
Kasong paglapas sa Akta Republika 10591 AN ACT PROVIDING FOR A COMPREHENSIVE LAW ON FIREARMS AND AMMUNITION UG PAGLAPAS SA OMINIBUS ELECTION CODE.
