*South Cotabato—*sikop sa operatiba sa Philippine Drug Enforcement Agency (PDEA) Regional Office-12 ilawom sa superbisyon ni Director Gil Cesario Castro ang tulo kamga suspetsadong lambigit sa iligal nga druga sa may Purok Acacia, Barangay New Iloilo, Tantangan, South Cotabato.
Alas 6:45 sa ganie, Martes, June 20, 2017 dihang gihimo ang buy-bust operation sa maong lugar nga miresulta sa pagkasikop sa suspek nga silang si Oswell Pagunsan y Paclibar, 37, male, mag-uuma ug Sheryl Bullos y Paquera, 25, pulos residenti sa samang lugar.
Nasikop ang mga nahisgutan human nga napalitan ug (1) ka medium sashet sa gituohang shabu sa PDEA Agent nga nagpakarong-ingnon poseur-buyer gamit ang P1,000.00 buy-bust money.
Nakakuha usab ug laing (2) ka large sachets sa suspected shabu nga gibana banaang dnay timbang nga (2) ka gramo nga nagkantidad ug P15,000.00 ug mga shabu paraphernalia’s.
Samtang alas 7:30 sa gabie sa samang adlaw laing buy-bust operation ang gipahigayon sa PDEA nga miresulta sa pagkasikop sa suspek nga si Jeremy Sodusta y Gonzales, 29, auto-painter ug residente sa Purok Sagana, Barangay Cabuling, Tantangan, South Cotabato.
Napalitana ng nahisgutan ug (1) ka sachet sa gituohang shabu gamit ang P 500.00 nga buy-bust money. Kakakuha pa ang otorsidad ug laing (5) ka medium sachets ug (2) ka small sachets sa suspected shabu nga dunay timbang nga 8 ka gramo nga nagkantidad ug P60,000.00.
Subay sa report sa PDEA si Pagunsan ug Sodusta ang anaa sa target Listed sa PDEA kansa gikonsiderang high-value targets. Miyembro usab ang mga nahisgutan sa drug group nga galihukan sa Tantangan ug mga lugar sa Koronadal City.
Kasong paglapas sa Section 5 (Sale of Dangerous Drugs), Section 11 (Possession of Dangerous Drugs) ug Section 12 (Possession of Drug Paraphernalia) sa Article II sa Republic Act 9165 (The Comprehensive Dangerous Drugs Act of 2002) ang ipasang-at nga kaso batok kang Pagunsan ug Bullos samtang si magatubang ug kasong paglapas sa Section 5 ug Section 11.
