Dipolog City – Wala na maka agwanta ug nakabasan gayod sa iyang kinabuhi sulod sa balay tambalanan, mga alas-12:35 sa tungang gabii, ang usa ka miyembro sa New People’s Army kon (NPA) nga nakabase dinhi sa lalawigan sa Zamboanga del Norte.
Sumala pa sa report gikan sa Leon B Postigo Municipal police station, nasuta nga ang rebeldeng si Francisco Alag Igan Vilan, 56-anyos, wanted sa ilang buhatan ang namatay samtang naka-confine sa Dipolog Medical Center sa dakbayan sa dipolog gumikan sa gihambin niining sakit.
Nasayran nga gidala sa iyang pamilya sa nasampit nga ospital ang naasoy’ng rebelde niadtong Lunes og wa na kining naka-uling buhi.
Base sa record sa Leon B Postigo Municipal police station, nag-atubang sa mga arrest warrant sa mga kasong arson, robbery in band, murder, frustrated murder ug rebellion, ang maong nga NPA member.
Nag-alagad sumala pa siyang secretary sa grupo sa Secom Feleciano B. nga nalambigit sa mga kriminalidad ning lalawigan.
Ang patay lawas sa maong rebelde ang gidala na sa iyang igsuon nga si Merlyn Vilan sa ilang lugar sa Barangay Tiogan sa lungsod sa Leon B. Postigo, Zamboanga del Norte.
