Pagadian City – Ablihan sa simbahang Katoliko karong adlawa ang panahon sa Kuwaresma pinaagi sa Miyerkules sa Badlis. Naghan-ay og health protocols kontra COVID-19 ang mga simbahan aron mahimo nga hapsay ang Ash Wednesday gumikan sa hulga sa virus. Sa mga simbahan sa Diocese sa Pagadian, limitado gihapon sa 50% capacity ang gitugutan nga mosulod ug motambong sa misa agig pagsanong sa health protcols nga gisugyot sa kagamhanan.
Ang mga lider sa simbahan sa Pagadian nipahihumdom sa mga Katoliko nga panahon kini sa paghinulsol sa mga sala ug paghimo og puasa ug abstinensiya. Ang Miyerkules sa Badlis maoy sinugdanan sa obligasyon sa mga Katoliko sa pagpuasa ug pag-abs-tinensiya. Gi-awhag karon ang mga Katoliko nga gawas sa sakripisyo ug maghimo og kaayohan sa uban, panahon usab kini sa pag-ampo ug pag-usab sa bati nga batasan.
Gilauman nga modagsa ang mga Katoliko sa nagkadaiyang mga simbahan lukop nasod karong adlawa aron magpabutang og abo sa ilang ulo nga nagpahinumdom nga ang tawo gikan sa abo mopauli usab sa abo. Una nang nagpagawas og pamaagi ang Catholic Bishops’ Conference of the Philippines (CBCP) sa kalihukan sa Ash Wednesday taliwala sa COVID-19 pandemic.
Gilauman nga modagsa ang mga Katoliko sa nagkadaiyang mga simbahan lukop nasod karong adlawa aron magpabutang og abo sa ilang ulo nga nagpahinumdom nga ang tawo gikan sa abo mopauli usab sa abo. Una nang nagpagawas og pamaagi ang Catholic Bishops’ Conference of the Philippines (CBCP) sa kalihukan sa Ash Wednesday taliwala sa COVID-19 pandemic.
