Yari na sa siyudad sang Iloilo ang 15 ka mga personnel sang Metro Manila Development Authority (MMDA) sa pagpanguna ni Naomi Recio, ang director sang MMDA Traffic Engineering Center.
Katuyuan sang grupo nga mag-obserbar kag magtipon sang data angut sa sitwasyon sang trapiko sa siyudad.
Suno kay Recio nga sa tion nga matapos ang ila pag-obserbar kag pagtipon sang mga data, pagadal-on nila ini sa Metro Manila agud i-correlate sa ila software para sa nagakaigo nga pagtuon kag paghatag sang rekomendasyon sa city government.
Samtang, ginpahayag ni Recio nga indi pa tuman ka daku angproblema sang trapiko sa siyudad sang Iloilo ikumparar sa iban nga mga siyudad sa pungsod.
Suno sa iya nga ang problema sa trapiko sa Iloilo indi bangud sa kadamuon sang mga salakyan kundi posible bangud wala ma-maximize ang paggamit sang mga karsada tuga sang mga obstructions sa dalan, kakulang sang disiplina sang mga motorista kag wala sang nagakaigo nga loading/unloading area. // Sonny Punay News
Photo via Iloilo City Government
*Tags: Visayas, DYRI774, RMN Iloilo, Iloilo City, Iloilo*
