Niadtong Lunes, Pebrero 20, 2023 nag-convene ang pipila ka mga opisyales sa lokal nga panggamhanan sa Davao ug ang usa ka delegasyon sa MMDA dinhi sa dakbayan para sa formulation sa traffic management plan ug capacity-building training course sa mga personahe sa Davao City Traffic and Transport Management Office (CTTMO).
Sa interbyu sa media kang MMDA Traffic Engineering Center Director Engr. Neomie Recio, ilahang tun-an ang mga areas sa syudad aron makarekomendar sila’g mga solusyon para maremedyuhan ang suliran sa trapiko sa dakbayan ug dili na paabuton pa nga mapareho kini sa traffic congestion sa Manila.
Gikan niadtong Lunes kutob Pebrero 25, 2023 ang MMDA Team nikuha og mga datos pinaagi sa traffic count, road inventory survey, ocular inspection sa existing traffic signal facilities ug focus group discussions.
Gipailawom sa pagtuon sa MMDA ang Matina Crossing, Catalunan Grande, C.P. Garcia, Sandawa intersection, Quirino-Pichon, Quirino-Ponciano, San Pedro-Quirino, McArthur Highway—Maa, Panacan ug Malagamot.
Samtang matud ni CTTMO chief Dionesio Abude, gikinahanglan sa dakbayan ang tabang sa MMDA diha traffic management plan ug makita kung unsa ang kinahanglang iaplikar sa dakbayan.
RadyoMaN Aimee Guinita
