Davao City- Malaumon ang Moro National Liberation Front (MNLF-Davao Region) nga matapus na ang kasamok sa Marawi City human napatay ang duha ka mga tag-as nga leader nga sila si Maute-ISIS terror Omar Maute ug Abu Sayyaf group leader Isnilon Hapilon.
Sumala ni MNLF-Davao Region chairman Rolando Olamit, dugay na nilang ginaampo nga matapus na ang kasamok sa maong lugar.
Samtang giklaro usab ni Olamit, bugtong ang sundalo lamang ang nasayud kung kanus-a mahuman ang giyera sa maong dapit tungod kay wala sila gitugotan nga moapil sa pakigbatok sa mga terorista, gawas lamang sa paghatag og mga impormasyon.
Dako ang pagtoo sa MNLF-Davao Region nga kung dili matapus ni Presidente Rodrigo Duterte ang problemang kagubot sa Mindanao tungod sa daghang mga samukoan mapugos sa pagdeklara og revolutionary government ang pangulo tungod kay mao na lamang kini ang solusyon aron matubag ang suliran sa yutang saad.
RadyoMan Bernard Pantallon
