Davao City – Gitugotan sa Davao City Police Office (DCPO) nga magsuot og camouflage ang mga miyembro sa Moro Islamic Liberation Front (MILF) ingon man ang Moro National Liberation Front (MNLF) nga nakigduyog karon sa Revolutionary Government Rally nga gipahigayon sa freedom park ug crocodile park ning syudad sa Davao.
Sumala ni DCPO spokesperson Police Chief Inspector Ma. Teresita Gaspan nga misugot si City Director Police Senior Supt. Alexander Tagum nga magsuot og ‘fatigue’ ang mga MILF ug MNLF apan hingpit nga gidid-an sila sa pagdala og fire arms o bisan unsang matang sa armas.
Dugang ni Gaspan, maximum deployment, security ug tolerance ang gipatuman sa kapulisan karong adlawa gani hugot ang ilang pagbantay sa seguridad pinaagi sa paghimo og striktong inspeksyon ug dunay drone nga ipalupad aron pag-monitor sa palibot.
Radyoman Don Pulayao
