Davao City – Kinahanglan adunay insaktong pagpasabot sa mga indibidwal nga buot mo-avail sa libreng contraceptives nga gibutang sa community pantries.
Sa interbyu sa DXDC RMN Davao kang Jeanette Laurel-Ampog, Executive Director sa Talikala-Davao, gisaysay niini nga kinahanglan nga ma-edukar ang mga mugamit niini aron magamit sa sakto ug dili maabuso.
“Importante nga dunay saktong impormasyon nga haom sa edad sa mugamit sa serbisyo aron guided ang mga desisyon in terms of choosing, selecting reproductive health services or family planning method,” saysay ni Ampog.
Dugang ni Ampog, kinahanglang adunay saktong inpormasyon alang sa mugamit sa maong serbisyo ug unsaon paggamit aron dili masayang ang tumong niini sa paglikay sa pregnancy o kaha sexually-transmitted infections.
RadyoMaN Kirby Manzon
