No to STL. Kini ang nahimong baruganan sa City government of Butuan lakip na ang mga konsehales sa subli nga pag operate sa small town lottery sa dakbayan sa Butuan.
Gani mismong si Konsehal Rema Burdeos namahayag “ ang sugal usa ka immoral”.
Si Burdoeus kaalyado ni Mayor Ronnievic Lagnada mao ang kasamtangang Chairperson sa committee on games and amusement sa konseho.
Apan sumala pa Nakabatun ug Memorandum of Agreement (MOA) ang PCSO ug ang local nga kagamhanan sa syudad sa Butuan kaniadto ubos ni kanhi Mayor Jun Amante uban sa gipasar nga resolusyon sa Sangguniang Panlungsod kaniadto aron maka-operate ang small town lottery (STL) dinhi sa dakbayan ug naka-renew sila sa kasabutan ubos ni Mayor Ronnievic Lagnada.
Kini ang gipaklaru ni Gloria Ybañez, operations manager sa PCSO sa interview sa RMN DXBC Butuan subay sa gipagawas nga online petition karon sa syudad nga nagsupak sa operasyon sa STL dinhi sa syudad.
Gialegahan usab ang PCSO nga wala nag-kortesiya sa LGU sa ilang pagsulod sa syudad.
Bukas hinoon ang PCSO sa online petition ug andam tubagon ang tanang reklamo.
Dugang pa ni Ybañez nga ang pagpalapad sa operasyon sa STL ubos sa PCSO maoy tubag sa panawagan ni Pang. Rodrigo Duterte aron makatigum ug dugang pundo ang goberno alang sa pag-finance sa nag-unang mga proyekto ug programa sa iyang administrasyon.
Nakatakda usab nga mag-atubang sila ni Mayor Ronnievic Lagnada aron mapasabot sa taga PCSO ang katuyuan sa pagbutang ug STL operation sa Butuan.
Una nang nagpagawas ug public apology ang PCSO base sa demana sa LGU Butuan subay sa operasyon sa small town lottery nga gisupakan sa mga opisyal ning syudad.(PHOTO COURTESY PCSO WEBSITE)
