Nagpirma ang walo ka mga ahensya sang gobyerno sang Memorandum of agreement agud tapnaon ang pagsulod sang illegal nga druga sa rehiyon 6.
Ginhiwat ang MOA signing kahapon sang Iloilo International Port sa Loboc, Lapaz nga gintambungan sang mga tiglawas sang mga ahensya nga ginalakipan sang Philippine Drug Enforcement Agtency ukon PDEA, Bureau of Customs ukon BOC, Bureau of Fisheries and Aquatic Resources ukon BFAR, Philippine National Police ukon PNP, Philippine Coast Guard ukon PCG kag Philippine Ports Authority ukon PPA.
Ang nasambit nga mga ahensya nga ginapangunahan sang Philippine Drug Enforcement Agency ang kabahin sang Inter-agency Drugs Interdiction task Group-Western Visayas.
Suno kay PDEA OIC Director Alex Tablate, naghisugot ang mga ini nga hugot nga pagabantayan ang mga puwerto sa bug-os nga rehiyon agud indi makalusot ang illegal nga druga.
