Matud ni Eastmincom Spokesperson Army Lt.Col. Rose Manuel, ang Mobex giapilan kini sa upat ka unit sa Reservist sama sa Philippine Navy, Philippine Airforce, Philippine Army mga doctor ug lawyer, isip kabahin sa logistics. Milangkob usab sa Mobility Exercises Send Off ceremony, ang Regional Disaster Risk Reduction and Management Office Davao Region, isip observer ug critic sa duha ka adlaw nga kalihokan.
Ang unang scenario, miigo ang bagyo sa intero Samal ug ang nagrabihan ang syudad. Makita sa scenario nga paspas miresponde ang mga reservist paingon sa Samal, sakay sa barko sa Philippine Navy ug gipang-salbar ang mga survivors ug gitambalan, ang mga naangol sa kalamidad.
Ikaduhang panghitabo, gisulong sa mga armado ang EASTMINCOM diin nagpakita og kahanas ang mga sundalo sa pagpukan sa mga terorista.
Nagpahigayon dayon og Rapid Damage Assessment, ang RDRRMC-XI sa danyos nga gibilin sa bagyo sa Samal.
Si RDRRMC XI Regional Director Ednar Dayanghirang naghatag og 9 nga grado sa performance sa mga entrante sa MOBEX, sa hinanaling pagresponde ug pagsunod sa sakto nga protocol sa mga reservist sa pagtambal sa mga naangol ug pagluwas sa mga survivors sa kalamidad.
Human nakita sa Director nga dako diay og gamit ang mga reservist sa kalamidad, nagplano karon ang opisyal og partnership kauban sa AFP aron mapakusgan pa, ang Reservist Program sa area sa EASTMINCOM.
RadyoMaN Joel Viray
