Cauayan City – Nakatakdang maglunsad ang Professional Regulation Commission Region 2 ng Mobile Service sa lungsod ng Cauayan ngayong buwan ng Setyembre.
Sa inilabas na abiso ng PRC, isasagawa ang Mobile Service sa darating na ika-13 at ika-20 ng Setyembre sa BGD Sports Complex, Brgy. Tagaran, Cauayan City, Isabela.
Kabilang sa mga serbisyong hatid ng PRC ay ang Application for Examination, Initial Registration, Renewal at Duplication ng Professional Identification Card, Certification at Authentication, Stateboard Verification, Petition for Change of Status at Correction of Data o Entries.
Paalala naman ng PRC na bago pumunta sa lugar ay siguraduhing nakapag online appointment muna sa kanilang website at piliin ang BGD Sports Complex, Cauayan City, Isabela bilang kanilang appointment place.
