Davao City – Giawhag sa grupo sa Mindanao Federalism Advocate si Presidential Communication Operation Office Undersecretary Mochao Uson nga magpublic apology gumikan sa law-ay nga matang sa pagpalapnag sa pederaslimo nga ginaduso ni Pangulong Rodrigo Duterte.
Matud ni Mindanao Federalism Advocate Convenor Candido Aparece Jr., nga nakadaot sa adbokasiya sa pederalismo ang gibuhat ni Mocha Uson ug sa iyang higala nga blogger kung asa gipaagi sa law-ay nga sayaw nga gisabayan og kanta ang pag-edukar sa publiko sa pederalismo.
Segun ni Aparece nga imbes makatabang kang Presidente Duterte nga maduso ang pederalismo ug masabtan sa katawhan ang sistema nga dakong bentaha sa panggobyerno ubos sa federal government negatibo na hinoon ang ihatud nga epekto niini ngadto sa publiko.
Busa gi-ubanan ni Aparece ang panawagan sa mga senador nga mipuna kang Mocha nga mas maayo kun dili na lang mag-apil-apil ang sikat nga blogger nga undersecretary sa pagpalapnag sa pederalismo ug mas maayong magtuon una kini aron mas mapalawman pa ang iyang pagsabot sa nasangpit nga hisgutanan.
RadyoMaN Joel Viray
