Davao City- Gidepensahan ni Blogger ug IT Professor Raffy Gutierres ang pagka-blogger ni PCOO Assistant Secretary Mocha Uson gikan sa atake sa mga senador sa liberal party labot sa gipang-post niini sa social site.
Gilabanan ni Professor Gutierres si Uson gikan sa banat nila Senador Bam Aquino, Riza Hontiveros, ug Sonny Trillanes atol sa senate inquiry on fake news kagahapon adlawa.
Suma niini, ang mga pangutana sa tulo nagpakita sa ilang ka-walay gibangkagaan sa trabaho sa media sa pagpangita og facts una magtaho ug samtang ang blogger opinionated kini.
Dili makiangayon nga silotan ang mga bloggers tungod sa pagsabwag og pamahayag ug pagmantala niini sa website sanglit pagkitil kini sa katungod sa matag usa.
Bisan pa og pila ka balaod himoon lisod gihapon pugngan ang fake news sanglit walay grupo nga mosusi kung genuine ba o peke ang mga taho nga manggula sa social media.
Kung mamugna man ang palisiya angay nakasentro sa pagdili sa paggamit og bogus nga mga accounts ug mga hulagway aron dali ra mailhan ang anaa sa likod sa fake news.
Kung ipamugos sa mga senador ang pag-regulate sa mga bloggers sama ra nga ilang gipatay ang balaod sa 1987 ug ang kagawasan sa matag usa.
Gihingusgan sa Professor nga obligahon ang mga bloggers sa paggamit sa matuod nga account ug hulag-way aron masubay ang code of ethics sa mainstream media sa nasud.
Gihagit sa na-ulahi ang publiko nga magbinantayon sa tanang panahon aron dili mabiktima sa mga fake news nga manghitak sa social sites.
RadyoMan Joel Viray
