Miyerkules, January 24 sang gab-i sang nagsala si Presidential Communications Operations Office Assistant Secretary Mocha Uson bangud ginpahayag sini pinaagi sa isa ka video nga yara sa Naga ang Bulkan Mayon imbes nga sa Albay.
Apisar nga nag-sorry na si Uson, madasig naman nga nag-react ang mga netizens labi na sa social media site nga Twitter.
Trending sa gihapon ang ‘Naga’ sa mga social media platform subong nga adlaw.
Matandaan nga sang sini man nga semana sang ginhatagan sang award si Uson sang University of Santo Tomas Alumni Association (USTAAI) kag gilayon niya man ini nga gin-uli bangud sa pag-insulto nga iya nabatunan.
Dugang pa ni Uson, nga isa ka daku nga pagpang-bully ang ginahimo sang iban labi na sa presidente sang asosasyon nga si Henry Tenedero nga amo man ang naghatag sang award sa iya.
“Ako na lang ang i-bully niyo. Ako na lang ang murahin niyo,” ang pagdepensa ni Uson kay Tenedero.
“Hindi ko hiningi ang award na ito. Binigay sa akin, tinanggap ko, pero para matigil ang issue na ito na isang maliit na bagay, ibinalik ko na lang po dahil sobra na ang pambu-bully ng ilang Thomasians kay sir Henry Tenedero,” suno pa kay Uson.
“Masaya naman po ako. Dapat po wala naman isyu dito. Hindi naman po Nobel Peace Prize yan,” dugang pa sini sa separado nga statement sa social media. *rcsg*
———————-
Like our official Facebook page: www.facebook.com/ifmbacolod943
