Modern Calinan-Davao bus units gi-deploy

29

Davao City – Pormal nang gi-deploy karong adlawa ang duha ka mga mordernong bus aron mo-serbisyo sa mga pasahero gikan sa downtown area sa Davao paingon sa Calinan ug vice versa.

Kini dungan sa grand re-opening sa Annil Transport Inc. nga ilawom na sa Davao Metro Shuttle Corporation diin gilusad usab ang Automated Fare Collection System.


Sumala ni Oyo Uy, Davao Metro Shuttle Corporation President, mogamit na og reloadable Beep Cards ang commuters aron makasakay diin gikinahanglan lamang nilang i-swipe kini sa machine nga ginagunitan sa konduktor.

Gani, plano nilang mag-montar og mga kiosks sa tornohan niini sa Bankerohan ug sa mga malls aron dali na lamang ang pagpa-load.

Dugang ni Oyo nga ang duha ka mga gi-deploy nga pinakaunanag Volvo low-floored low-entry city buses convenient dinhi sa Mindanao alang sa mga ‘Persons with Disability (PWD) ug mga maglisod na nga senior citizens diin kini suporta sa pag implementa sa High Priority Bus System (HPBS).

Dunay kapin kon kulang 50 sitting capacity ug kumpleto na ang mga features sama sa pito ka mga CCTVs, air-conditioned, wifi ug GPS ang sulod sa mga units.

Saysay ni Uy nga lauman usab nga madungagan pa ang mga bus units inabagan sa suporta sa publiko kun riding public.

RadyoMaN Jason Amisola

Facebook Comments