Sa dugang kalingawan nga giandam sa kagamhanang probinsyal sa Saulog 2018, ang Provincial Tourism Office mopahigayon ug Modern Dance Competition for Plus Sizes karong Hunyo 5 sa gabii.
Mao kini ng nasayran gikan ni Ms. Lenie Castañeda, ang OIC sa Provincial Tourism Office, subay sa pagsaulog sa ika-66 ka tuig nga kasumaran sa pagkahimugso sa Zamboanga del Norte karong Hunyo 1-6 niining tuiga.
Dugang pa ni Ms. Castañeda nga ang contestant adunay gibug-aton nga 100 kilos o labaw pa.
Ang weighing session gikatakda nga ipahigayon sa Hunyo 1 sa buntag sa Provincial Tourism Office, ug mamahimo silang mo- perform mag-inusara o adunay partner atul sa contest proper.
Ang premyo alang sa 1st prize P5,000, 2nd prize-P3,000, 3rd prize P2,000 ug adunay P1,000 nga consolation prizes alang sa non-winners.
Alang sa dugang kasayuran, bisitahi lamang ang Provincial Tourism Office ug pangitaa si Ms. Elba Fiel. (PIC-mbmontederamos)
(PGO-ZDN/SMC-GMDiaz)
