Maaari nang pumasada simula ngayong araw ang ilang Public Utility Jeepneys (PUJs) sa labing-limang (15) ruta bilang bahagi ng unti-unting pagbabalik ng pampublikong transportasyon sa Metro Manila at kalapit na probinsya.
Ayon kay Land Transportation Franchising and Regulatory Board (LTFRB) Chairperson Martin Delgra III, nasa 308 modern jeepneys ang compliant o sumusunod sa Omnibus Franchising Guidelines (OFG).
Papayagan lamang aniya silang bumiyahe sa 50% kapasidad, maliban sa driver at konduktor, para matiyak ang physical distancing.
Ire-require pa rin ang pagsusuot ng face mask sa mga driver, konduktor at sa mga pasahero.
Ang mga inaprubahang ruta ay mga sumusunod:
- Novaliches – Malinta via Paso de Blas
- Bagumbayan Taguig – Pasig via San Joaquin
- Fort Bonifacio Gate 3 – Guadalupe-Market Market-ABC Loop Service
- Pandacan – Leon Guinto
- Quezon Avenue – LRT 5th Avenue Station
- Cubao (Diamond) – Roces Super Palengke
- EDSA Buendia-Mandaluyong City Hall via Jupiter, Rockwell
- Divisoria-Gasak via H. Lopez
- Punta-Quiapo via Sta. Ana
- Boni Pinatubo – Stop and Shop, vice versa
- Boni Robinson’s Complex-Kalentong/JRC vice versa
- Nichols-Vito Cruz
- Filinvest City Loop
- Alabang Town Center (ATC)-Ayala Alabang Village
- Vito Cruz Taft Avenue-PITX Loop Service
Ang mga sumusunod na ruta ay papayagang bumiyahe sa Miyerkules, June 24:
- Bagong Silang – SM Fairview
- Malanday – Divisoria via M.H. del Pilar
- Parang, Marikina – Cubao
- Eastwood, Libis – Capitol Commons
- Gasak – Recto via Dagat-dagatan
- PITX – Lawton
- Alabang – Zapote
- PITX – Nichols
- PITX – SM Southmall
Ang mga sumusunod na ruta ay papayagang bumiyahe sa Biyernes, June 26:
- Quirino Highway – UP Town Center
- SM Fairview – Commonwealth via Regalado Ave.
- QMC Loop
- Tikling – Binangonan
- Antipolo – Pasig via East Bank Road
- Rosario – Pinagbuhatan Pasig
- West Avenue – P. Noval via Del Monte
- Biñan – Balibago via Manila South Road
- Tramo – Sucat
- San Isidro – Congressional Junction Dasmarinas
Ang lahat ng PUJs ay kailangang nakarehistro na may valid personal passenger insurance policies at mayroong nakakabit na Global Navigation Satellite System (GNSS).
Kailangan ding gumamit ang mga ito ng cashless fare payments, at tiyaking magagamit ng mga commuter ang kanilang mobile application o contactless smart cards para sa pagbabayad ng pamasahe.
Mahigpit dapat na ipatupad ang “one seat apart” sa mga pasahero.
