Wala na sang atrasanay ang jeepney modernization program.
Ini ang ginpasiguro sang Malacañang sa publiko.
Ini bangud kumbinsido ang gobyerno nga mapatuman ang pagbag-o sa public land transportation sa masunod nga tuig.
Suno kay presidential spokesman Sec. Harry Roque, madugay nga ginhambal ni Pres. Rodrigo Duterte ang kasiguradohan sang Jeepney modernization nga natalana igapatuman sa bulan sang Enero sa 2018.
Ginsiling ni Roque nga sa karon, responsibilidad sang DOTR ang pagdetalye sa ginaduso nga modernisasyon sa bahin sang transportasyon partikular sa depampasahero nga jeep.
Nahibaluan nga una na ginpahayag ni Pres. Duterte nga indi niya na gusto sang gubaon nga jeep sa masunod nga tuif kag pananglitan indi magsunod ang mga drivers, ilakip ang mga ini nga i-phase out.
