SYUDAD sang Iloilo – Magasugod na sang pagbyahe sa masunod nga semana ang pito ka modernized public utility jeepneys sa apat ka mga rota sa syudad sang Iloilo.
Suno kay Rizal Alido, president sang City Loop Integrated Alliance of Jeepney Owners and Drivers’ Association (CLIAJODA) kag board secretary of the Iloilo City Alliance Operators and Drivers Transport Cooperative (ICAODTC) may apat ka units ang magabyahe gikan sa Iloilo Terminal and General Services, Inc. (ITGSI) terminal sa Barangay Ungka, Jaro padulong sa City Proper via Jaro CPU (Central Philippine University) kag vice versa; duha ka units gikan sa Arevalo padulong sa City Proper kag vice versa; kag sia ka one unit gikan sa ITGSI terminal to City Proper via Diversion Road kag vice versa.
12 ka units ang ila nabaton gikan sa supplier apang ibalik nila ang lima bangud mga slightly-used ini agud mailisan sang brand new nga units.
May 13 ka transport groups kag individual operators ang kooperatiba kag nakakuha sila sang loan nga P2.04 million kada unit sa Development Bank of the Philippines.
Nagalaum si Alido nga maaprubahan ang loan applications sang iban nga members agud macomply nila ang 110 ka units.
Kabahin ini sang jeepney modernization program sang department of transportation ukon DOTr.// via Joel Franco reports
Photo via Randy Javier Fadrigo
