Davao City – Magpagula og Executive Order ang lokal nga panggamhanan karong adlawa sa pagpailawom sa Modified Community Quarantine (MCQ) sa Davao gikan sa Enhanced Community Quarantine (ECQ).
Sumala ni Davao City Mayor Sara Duterte nga human sa konsultasyon nihatag og go signal ang epidemiologists nga ipailawom ang syudad Modified Community Quarantine (MCQ) apan mas stricter ang guidelines.
Ang ECQ mahuman kini karong Abril 26,2020.
“Nag okay na ang epidemiologists ug grupo sa Infectious Diseases Specialists nga mag modified community quarantine ta for Davao City,”
Gitin-aw sa mayor nga ang MCQ gamay ra ang ligas sa mga control measures sa ginapatumang ECQ.
Ilawom sa MCQ adunay mass transport apan kontrolado gihapon ang ihap sa mga pwedeng mamasada, tugtan ang ubang establisyemento nga magbalik sa trabaho apan striktong ipatuman ang social distancing, naka-skeletal workforce, shortened ang oras sa trabaho ug work week.
Gipahibalo usab niini wala gihapoy mass gathering.
“Bawal gihapon ang mass gathering, so do not expect any mass gathering anytime soon, and bawal gihapon ang religious ceremonies, meetings, prayers, and gathering.
Ang face mask, FM Pass ug clustering naa gihapon sa mga iimplementa.
Giabisuhan ang tanang mga eskwelahan mga mangandam para sa online classes, distance learning ug take home modules kutob sa July 31, 2020.
RadyoMaN Aimee Guinita
