Module distribution: Viral post gituohang dili scripted

25

Davao City – Nabahin karon ang opinyon sa mga netizens kabahin sa nag-viral nga post sa social media mahitungod sa usa ka magtutudlo nga mitabok og sapa aron makahatod og modules sa iyang mga estudyante.

Apan si Mark Narreto kinsa magtutudlo sa Davao City National High School, dili kumbinsido sa pagsaway sa ubang netizens nga scripted ang gihimo sa magtutudlo nga nag-trending karon sa social media.

Nagtoo si Narreto nga dili makahimo ang kadtong magtutudlo nga nag-viral nga ibutang ang iyang kaugalingon sa kaulawan hilabi na nga dala niini ang pangalan sa Department of Education.

“Mao na siya sa sinsiro nga pamaagi ba ngadto sa mga concern organization nga pwede makatabang sa ilang kahimtang karon kay hilabi na karon with the social media platform,” segun ni Narreto.

Gipaambit sa magtutudlo ang iyang di kasarangan nga kasinatian dihang nadestino pa kini sa bukid isip magtu tudlo diin matag adlaw problema gayod ang kuwang sa transportasyon, walay internet, ug uban pa.

Kung unsa man ang naagian nga kalisod sa magtutudlo sa paghatod og modules kini realidad ug wa’y sagol nga kadramahan aron lang mahisgutanan ug musikat sa kalibutan sa facebook.

Gibati niini ang pagsuong sa magtutudlo sa luyo sa peligro sa sapa nga iyang gitabok aron lang mahatud ang modules sa mga estudyante hilabi na pila na lang ka adlaw mag-klase na.




Hinoon dunay dala nga kaayohan ang viral post gumikan makita sa mga organisasyon kon ahensiya sa gobyerno ang sitwasyon sa mga magtutudlo nga nadestino sa hilit nga mga lugar sa nasud.

Pikas bahin, gibatbat sab ni Narreto nga andam na ang mga estudyante, mga ginikanan, ug mga magtutudlo sa City High alang sa pagsugod sa klase karong Oktubre 5 ning kasamtangang tuig.

RadyoMaN Joel Viray

Facebook Comments