Makati City – Arestado ang apat na babae at dalawang lalaki na mga miyembro ng budol-budol gang sa Palanan, Makati City.
Nasakote ang mga suspek matapos silang makita ng mga pulis na iniipit ang Chinese National na si Shiu Cao sa isang bangko kung saan pinilit itong mag-withdraw ng pera sa ATM.
Narekober sa mga suspek ang pera, ilang bote ng alak, at isang tableta ng hinihinalang valium.
Ayon sa isa sa mga suspek, nakilala nila ang biktima sa Chinatown habang ipinagdiriwang nila ang Chinese New Year.
Gusto raw maglibot ng biktima sa Maynila para mamasyal at sinamahan lang daw nila ito pero hindi naman daw nila kinuhanan ng pera.
Dinala na ang mga suspek sa main headquarters ng Makati Police para imbestigahan habang pinag-aaralan pa kung ano ang isasampang kaso sa kanila.
