Modus online nag-unang natalang insidente sa pipila ka police stations sa Davaoc

Davao City – Padayon ang hugot nga panghimangno sa kapulisan sa publiko nga dili basta-basta mutuo sa mga tanyag sa social media aron dili mabiktima sa modus operandi sa mga scammer.

Kini human nga nag-unang natalang panghitabo sa pipila ka police stations mao ang online modus operandi ning panahona.

Sa Bajada Police Station, usa ka Leny Mie Diamante nga taga Barangay Paciano, Agdao ang nagpatabang sa pulis human nabiktima sa modus operandi sa online, diin misuway ang biktima og pangita’g trabaho sa online ug usa ka jobs app ang gi-click niini nga nagtanyag og trabaho isip product endorser.

Samtang laing biktima nga si Mary Jane Garcia human nga aduna kini naistorya sa Telegram ug nagmando kaniya nga magpadala og kwarta nga miabot og P40,000 apan dili na niya ma-contact ang suspek hangtud karon.

Laing biktiuma usab nga si Renelyn Salazar nga taga-Barangay 6 ang mi-report sa San Pedro PNP human gi-hack ang iyang Facebook account ug gigamit kini sa pagpangilkil sa iyang higala ug kaparyentehan.

Ang maong mga kaso sa online scam, giimbistigahan na karon sa PNP-Cyber Crime Unit aron nga mailhan ug madakpan ang mga responsable.

RadyoMaN Joel Viray